صناديد المعارك يازلم كانون
ياسيف النفر وكت الوغى اكرابة *
يصكور الزمانة وياليوث الغاب
ياريح التهز ادروع دبابة
ياجيش المناية اليحذروك اعداك
مايخطي سهمكم يذبح اصوابة
براكين وعجيبة جيوشكم بالكون
من يكحم رعده ونار لهابه
يذراع الوطن من يكدر ايلاويك
ومن يكدر عليك أيكشر أنيابة
ينسل القادسية ويا حجر سجيل
على جيش ابرهه نيران صبابة
عنيد شكد عنيد وتعشك الصعبات
خصمك لو يكون الموت متهابة
ياسور الوطن ويافرج وكت الضيج
كاس الذل صفة لعداك شرابة
مثل روج البحر ياسفن التعاديك
اذا يقلع صكركم ينزل أغرابة
اسود انتوا ونعم منكم نهيل اشبال
اذا يزأر اسدكم تسكت اجلابة
شهيد الراح منكم حي وابد مامات
اذا تنخاه يكوم وينفض اترابة
شهيد الراح منكم حي وابد مامات
اذا تنخاه يكوم وينفض اترابة